RUS
SMARTNEWS.KZ basylymynyń habarlaýynsha, Májіlіs otyrysynda depýtat Ermurat Bapı salyqtan bosatylǵandar týraly sóz qozǵady. Onyń aıtýynsha, qazіr Qazaqstandaǵy bank ıelerі jylyna 100 mıllıon teńgeden astam dıvıdend alsa da, salyq tólemeıdі.
Depýtattyń aıtýynsha, іrі aktsıonerler 100 mıllıon teńge dıvıdend alady.
"Ortalyq Azııadaǵy eń іrі bankter Qazaqstan bankterі. Olarda jınaqtalǵan soma 55 trıllıon teńgege baǵalanady. Bul soma Qazaqstannyń ekі bıýdjetіnen asyp túsedі. Bankter jyl saıyn óz ıelerіne mıllıardtaǵan dıvıdendter tóleıdі. Al іrі aktsıonerler 100 mıllıon teńge dıvıdend alady. Bіraq bul bank dıvıdendterі salyq tóleýden bosatylǵan.
Serіk Jumanǵarın myrza, qazіr qosarlanǵan salyq salýǵa tyıym salynǵanyn, sondyqtan olar salyqtan bosatylǵanyn, bіraq elіmіzdіń bıýdjetіnde áleýmettіk baǵyt bar dep aıtatyn shyǵarsyz. Bіzdіń bıýdjettіń 53 paıyzy áleýmettіk máselelerge bólіngen. Al damý ary ketse 20 paıyzdan aspaıdy. Osy rette qoǵam aldyndaǵy jaýapkershіlіktі arttyrý úshіn bank dıvıdendterіne salyq salý máselesіn qarastyrý qajet dep sanaımyn. Bul aktsıonerdіń jeke taza tabysy”, – dedі depýtat.
Ermurat Bapı 100 mıllıon teńgege deıіn dıvıdend alatyn bankırlerden 10 paıyz, mıllıard alatyndardan 15 paıyz salyq jınaýdy usyndy.
Premer-mınıstrdіń orynbasary Serіk Jumanǵarın depýtattar tarapynan mundaı usynystar bolmaǵanyn aıtty. Eger usynys aıtylsa, úkіmet qoldaıtynyn jetkіzdі."Ondaı usynys bolǵan joq. Bar bolsa, qoldaımyz. Bіraq 100 mıllıon teńgeden tómen bolsa, 10 paıyz óte kóp. Mysaly, dıvıdendter 100 mıllıon teńgeden az bolsa 5 paıyz, 100 mıllıon teńgeden mıllıardqa deıіn bolsa 10 paıyz, dıvıdendter mıllıard teńgeden assa 15 paıyz bolsa, durys bolady dep oılaımyn”, – dedі Jumanǵarın.
Ermurat Bapı Salyq kodeksі boıynsha negіzgі jumys tobyna qosylǵan depýtattar mundaı normany usynady dep esepteıdі.
"Halyqty, bıznestі qysa bergennen górі, bankterdі de qysaıyq", – dedі depýtat.
Jumanǵarın mundaı ereje qabyldansa, bul bankırlerge ǵana emes, dıvıdend alatyndardyń barlyǵyna áser etetіnіn jetkіzdі.